- Подробности
- Автор: SuperAdmin
Қазанғап би Сатыбалдыұлының туғанына 255 жыл толуына орай Абай атындағы орта мектебінде 6-сынып оқушыларына арналған «Қазанғап би Сатыбалдыұлы. Еліне адал қызмет еткен тұлға» атты өлкетану сағаты өткізілді.
Іс-шараның мақсаты – туған өлкенің тарихында өзіндік із қалдырған Қазанғап би Сатыбалдыұлының өмірі мен қоғамдық қызметі туралы мағлұмат беру, оқушылардың туған тарихына деген қызығушылығын арттыру.
Өлкетану сағаты барысында оқушылар тарихи тұлға туралы суреттер мен деректер арқылы оның өмірбаяны және ел игілігі жолындағы қызметімен танысты. Сұрақ-жауап кезеңіне белсене қатысып, білімдерін толықтырды. Сондай-ақ, «Егер мен ел ағасы болсам, туған жерім үшін...» деген сөйлемді әр оқушы өз ойымен жалғастырып, туған жерінің дамуына қосар үлесі туралы пікірлерімен бөлісті.
Тағылымды шара оқушылардың тарихи санасын қалыптастыруға, елге деген сүйіспеншілігін арттыруға және туған жердің көрнекті тұлғаларын құрметтеуге ықпал етті.
- Подробности
- Автор: SuperAdmin
Г.Н. Потанин атындағы Павлодар облыстық тарихи-өлкетану музейінде өмірлік құндылықтарға, саналы таңдау жасауға және тәуелділіктің алдын алуға арналған «Таңдау өз қолыңда» интерактивті көрмесі ашылды. Көрменің ашылу барысында іс-шара қонақтарына «Рекавери» және «Луч» оңалту орталықтарының мамандары сөз сөйлеп, тәуелділік мәселесі, оның салдары және дер кезінде көмекке жүгінудің маңыздылығы туралы ақпарат берді. Іс-шараның соңында қатысушылар «Мен үшін нені сақтау шынымен маңызды?» деген сұраққа жауап беріп, өз ойларын көрме қабырғасына жазып қалдырған интерактивті бөлім өтті.
- Подробности
- Автор: SuperAdmin
Г.Н. Потанин тындағы Павлодар облыстық тарихи-өлкетану музейінде өлкетанушы, Павлодар қаласының құрметті азаматтары Э.Д. Соколкиннің 90 жыл, М.К. Гапонның 100 жыл, Б.М. Хазыровтың 100 жыл толуына орай «Өлкетану және тарихи жады: ұрпаққа аманат» атты дөнгелек үстел өтті. Дөнгелек үстел жұмысына ғалымдар, өлкетанушылар, музей қызметкерлері қатысты.
- Подробности
- Автор: SuperAdmin
Г.Н. Потанин атындағы Павлодар облыстық тарихи-өлкетану музейінің мамандары Халықаралық жануарларды қорғау Күніне орай мектеп оқушыларына «Ежелгі алыптардан дала мекендеушілеріне дейін: Павлодар облысы жануарларының тарихы» атты музей сабағын өткізді. Оқушылар өлкеміздің ежелгі жануарларымен, Павлодар Ертіс өңірінен табылған палеонтологиялық олжалармен танысты. Музей жәдігерлері арқылы балалар миллиондаған жылдар бойы өңірдің жануарлар дүниесінің қалай өзгергенін білді. Сабақ алыстағы өткен кезеңнен бастап бүгінгі Павлодар облысының табиғатына дейінгі қызықты саяхатқа айналды.
- Подробности
- Автор: SuperAdmin
Д.П. Багаевтың музей-үйінде Мақсат Нәбиевтің «Жарық пен сезім арасында» атты жеке көрмесі ашылды. Көрмеде мерекелік репортаж жанрын жоғары бейнелеу өнері деңгейіне көтеретін бірегей үйлену кадрлары ұсынылды.
Көрме көрерменді үйлену тойының қарбалас оқиғаларының «сахна сыртына» үңілуге және әдетте көзге түсе бермейтін сәттерге — лездегі жанасуларға, жасырын көзқарастарға, қуаныш жасына әрі қарым – қатынастағы таза әрі шынайы үйлесімге куә болуға шақырдық. Әрбір фотосурет — жаңа махаббат хикаясының басталар сәтіндегі нәзік шақты бейнелейтін жарық пен көлеңкенің шебер үйлесімі. Көрме 1 қарашаға дейін жалғасады.
- Подробности
- Автор: SuperAdmin
Ақсу қаласының 65 жылдығына орай Щербақты тарихи-өлкетану музейінде ерекше «Туған жерім – мақтанышым» атты көшпелі көрме ұйымдастырылды. Құрметті қонақтар, «Дижан» қорының мүшелері мен ардақты ардагер ұстаздар, Абай Құнанбаев атындағы және гимназия сыныбында білім алатын орта мектеп оқушыларына тарихтың сырын бойына сақтаған «Естелік чемоданы» атты әсерлі экспозиция ұсынылды.
- Подробности
- Автор: SuperAdmin
Қазақтың ұлттық оюы — тарихтың белгісі ғана емес. Ол бүгінгі сәнде де өз үнін таба алады. «Ертіс» музейінде павлодарлық шебер әрі кәсіпкер Динара Жанбаеваның «Қолдың сыры – өнердің жүзі» атты жеке көрмесінің салтанатты ашылуы өтті. Көрмеде табиғи былғарыдан жасалған авторлық сөмкелер, аксессуарлар және ұлттық нақыштағы заманауи киімдер ұсынылды. Шебер туындыларында дәстүр мен заманауи дизайнды үйлестіріп, ұлттық өнерге жаңа тыныс береді. Көрме 23 қыркүйек – 7 қазан аралығында Есенәлиев көшесі, 2 мекенжайындағы «Ертіс» музейінде жалғасады. Келіңіздер, көріңіздер, ұлттық өнердің заманауи тынысын бірге сезініңіздер!
- Подробности
- Автор: SuperAdmin
Шарбақты тарихи-өлкетану музейнде әр адамның өміріндегі ең маңызды, қастерлі ұғымдардың бірі – отбасына арналған іс-шара «Отбасы – құндылықтары» тақырыбында дөңгелек үстел өтті. Отбасы - бізді жақсы көретін және түсінетін, бізді қарсы алатын және қолдайтын жер. Мейірімділік, қамқорлық, сыйластық, жауапкершілік, сүйіспеншілік деген ұғымдарды адам алдымен отбасында меңгереді. «Мен үшін отбасы деген не?» Және бұл ұғымдардың барлығын бір ұғым біріктіреді: отбасылық құндылықтар. Бүгінгі арнайы қонақтар - аудан өкілдерінің отбасы, өз отбасы, отбасылық дәстүрлері, бала тәрбиесі, бір-біріне қолдау көрсету, үйдегі махаббат пен түсіністікті қалай сақтау керектігі туралы әңгімелейді. Қонағымыз Айгүл Серкебаева өскелең ұрпақ үшін білімнің құндылығы, олардың білім алуын жалғастыру, мәртебесін көтеру туралы сөз қозғады. Ол сондай-ақ отбасылық қарым-қатынасқа қатысты ұсыныстар берді. Отбасылық дәстүрлер ұрпақтан-ұрпаққа жалғасып келеді, олар жақындарының естелігін сақтауға және әртүрлі ұрпақтарды біріктіруге көмектеседі.
