- Подробности
- Автор: Павлодарский областной историко-краеведческий музейим. Г.Н.Потанина
Павлодар қаласының Әскери Даңқ Музейінде ерекше тарихи және рухани маңызы бар іс-шара өтті. Салтанатты жағдайда қызыл әскер Сейдахмет Жасыбаевтың соңғы шайқас өткен жерден алынған топырағы мен оның жеке заты — есімді қасығы немересі Жасыбаев Сәғит Болысбекұлына табысталды.
- Подробности
- Автор: Павлодарский областной историко-краеведческий музейим. Г.Н.Потанина
Өңіріміздің атақты тумаларының ішінде Григорий Николаевич Потанин есімі ерекше орын алады. Григорий Потанин жетекші қоғам және саяси қайраткер, географ, саяхатшы, этнограф, Орта Азия, Сібір және Қазақстан елдері мен халықтарын зерттеуші болды. Ақсу тарихи-өлкетану музейінде оның туғанына 190 жыл толуына орай «Г.Н. Потанин: «Ұлы өмірдің беттері» атты дөңгелек үстел өтті. Шараға Қ. Шүлембаев атындағы, №4 орта және Абай атындағы орта мектептің тарих пәнінің мұғалімдері А. Шәріпов, Н. Әбілов және Ғ. Ибраев, Шүлембаев атындағы, №8, №7 лицей орта мектептерінің оқушылары Р. Слямова, Н. Шкодских, А. Нұрлан және Т. Масленников Потаниндер отбасының жұмысы мен ғылыми-зерттеу қызметі туралы айтып, славян этномәдени бірлестігінің жетекшісі, ақын В. Солдаткина Г. Потанинге өлеңін арнады.
- Подробности
- Автор: Павлодарский областной историко-краеведческий музейим. Г.Н.Потанина
Щербақты тарихи-өлкетану музейінде «Қазақстандағы Азамат соғысы» тақырыбында музейлік сабақ өтті.
Сабаққа гимназиялық сыныпбары бар № 1 мектептің 8 сынып оқушылары қатысты. Оқушылар 1918–1920 жылдардағы оқиғалармен, «қызылдар» мен «ақтардың» күресімен, сондай-ақ Амангелді Иманов, Әліби Жангелдин, Балтабай Баратбаев сияқты батырлардың ерлігімен танысты. Сабақ барысында музей қорындағы түпнұсқа жәдігерлер — құжаттар, фотосуреттер мен сол заманның тұрмыстық бұйымдары көрсетілді. Мұндай сабақтар жас ұрпақтың тарихқа деген қызығушылығын арттырып, бейбітшіліктің қадірін ұғынуға мүмкіндік береді.
- Подробности
- Автор: Павлодарский областной историко-краеведческий музейим. Г.Н.Потанина
«Ertis» музейінде «Қожанасырдың әзіл әңгімелері» атты кинолекторий өткізілді. Іс-шараға дарынды балаларға арналған Абай атындағы гимназия оқушылары қатысты. Кинолекторий барысында балалар Қожанасырдың кім екенін білді және түрлі әрекеттерін талқылады. Олар халық арасында сақталған әңгімелерден Қожанасырдың тапқырлығы, әзілқойлығы және өмірлік даналығы туралы көп мағлұматпен танысты.
- Подробности
- Автор: Павлодарский областной историко-краеведческий музейим. Г.Н.Потанина
Екібастұз тарихи-өлкетану музейінде «Жақсылық пен жылулық» атты шығармашылық шеберлік сыныбы өткізілді. Балалар көркемсурет мектебінің мұғалімі Медет Қайратұлы Асылбековтың басшылығымен қатысушылар көлік түріндегі қобдишаларды безендірді. Іс-шара жылы, достық атмосферада өтті. Барлығы қиялын қуана көрсетіп, нәтижеге риза болды.
- Подробности
- Автор: Павлодарский областной историко-краеведческий музейим. Г.Н.Потанина
Ұлы зерттеушісі, этнограф, шығыстанушы және қоғам қайраткері Григорий Николаевич Потаниннің туғанына 190 жыл толуына орай Ямышев орта білім беру мектебінде оқушыларға арналған танымдық дәріс өтті. Іс-шара барысында оқушылар Потаниннің өмірі мен ғылыми қызметі, Орталық Азия, Сібір мен Қытайға жасаған экспедициялары, география мен этнография саласына қосқан үлесі, сондай-ақ Шығыс халықтарының мәдени мұрасын сақтау жолындағы еңбегі туралы мәлімет алды.Дәріс барысында оның сібірлік тамыры мен XIX ғасырдағы ғылыми дүниетанымның қалыптасуына қосқан рөліне ерекше назар аударылды.Оқушылар дәрісті қызығушылықпен тыңдап, талқылауға белсенді қатысты..Бұл дәріс оқушылардың отансүйгіштік және өлкетану бағытындағы тәрбиесіне үлкен үлес қосты.
- Подробности
- Автор: Павлодарский областной историко-краеведческий музейим. Г.Н.Потанина
Атақты жерлесіміз Г.Н. Потаниннің 190 жылдығы аясында тарихи-өлкетану музейде “Г.Н. Потанин - Азия зерттеушісі, саяхатшы, ғалым, этнограф” атты көрменің ашылуы мен дөнгелек үстел өтті. Іс шараға ғалымдар, зерттеушілер, музей ардагерлері, мектеп мұғалімдері, зиялы қауым өкілдері қатысты.
- Подробности
- Автор: Павлодарский областной историко-краеведческий музейим. Г.Н.Потанина
2025 жылдың қазан айында қазақ халқының біртуар әншісі-композиторы, кәсіби сахна өнеріндегі тұңғыш қазақ әйелдерінің бірі — Майра Уәлиқызы Шамсутдинованың туғанына 135 жыл толуына орай тағылымды дөңгелек үстел ұйымдастырылады. Аталған мәдени шара қазақтың ән өнеріне өшпес із қалдырған Майра Шамсутдинованың өмір жолы мен шығармашылығына арналмақ. Ол – ұлттық музыка өнерінің дамуына зор үлес қосқан, ерекше дауыс иесі, өз дәуірінің дара тұлғасы ретінде тарихта қалған қайраткер.
Дөңгелек үстел барысында:
Майра Шамсутдинованың шығармашылық мұрасы мен өнердегі орны сараланады;
Қазіргі қоғамдағы рухани жаңғыру аясында оның өнерін кеңінен насихаттау жолдары талқыланады;
Жас буынға ұлттық құндылықтарды дәріптеу мәселелері қарастырылады.
Бұл бастама – жастарды рухани тәрбилеуге, мәдени мұраға құрметпен қарауға және ұлттық өнерді дәріптеуге бағытталған маңызды іс-шара болып табылады.
Өтетін күні: 10 қазан, 2025 жыл.
Өтетін орны: Павлодар қаласы, Астана к-сі, 149. Г.Н. Потанин атындағы Павлодар облыстық тарихи-өлкетану музейі.
Өткізу уақыты: 15.00 сағ.
