- Подробности
- Автор: SuperAdmin
Д.П. Багаевтың музей-үйінде Қазақстандағы Отбасы күніне арналған «Отбасылық алтын кілт» квест-ойыны өтті. Кездесу дәстүрлі құндылықтарды насихаттауға және өлкенің тарихи мұрасымен танысуға бағытталған.
Ойын барысында балалар қол жетімді және интерактивті түрде Багаевтар отбасының өмір салтымен, дәстүрлерімен және отбасылық құндылықтарымен танысты.
Музейдің әйгілі ескі павильонындағы эксклюзивті фотосессия жарқын аяқталды. Іс-шара қатысушыларға көптеген жағымды эмоциялар сыйлады және отбасылық жылулық пен ұрпақтар сабақтастығының маңыздылығын тереңірек түсінуге көмектесті.
- Подробности
- Автор: SuperAdmin
Екібастұз тарихи – өлкетану музейімен Қазақстан халқының тілдері күніне орай №33 мектептің 1 сынып оқушыларының қатысуымен «Тілім менің – мәңгілік тақырыбым» атты музейлік сабақ өткізілді. Танымдық сабақта мақсаты мемлекеттік тілдің маңызын түсіндіріп, оқушылардың ана тіліне деген сүйіспеншілігін арттыру,тілді құрметтеуге, ұлттық сана-сезімді нығайтуға тәрбиелеу
- Подробности
- Автор: SuperAdmin
Г.Н. Потанин атындағы Павлодар облыстық тарихи-өлкетану музейінде Қазақстан халқының тілдері күніне арналған «Қазақстан дауыстары» атты көрме өтті. Көрме қатысушылардың Қазақстанның тілдік және мәдени алуантүрлілігі туралы түсініктерін кеңейтіп, еліміздегі түрлі мәдениеттердің ерекшеліктерімен танысуға мүмкіндік берді. Сонымен қатар, көрме мәдени мұраны сақтау, оны кейінгі ұрпаққа жеткізу мен насихаттаудың маңыздылығын айқындады.
- Подробности
- Автор: SuperAdmin
Қазақстан халқының Тілдері күніне орай, 4 қыркүйекте «Ертіс» музейінде «Бір елдің үні» атты қызықты викторина ұйымдастырылды. Іс-шара барысында оқушыларға қазақ тілінің, халқымыздың тарихы, мәдениеті мен ұлттық құндылықтарын сақтаудағы маңызы туралы айтылды. Жасөспірімдерге ана тілін білу — тек білім емес, өз халқыңның өткенін тану, мәдениетін құрметтеу және болашаққа жауапкершілікпен қарау екені түсіндірілді. Ана тілін меңгеру жас ұрпаққа өз ойын еркін жеткізуге, білімін жетілдіруге, жаңа мүмкіндіктерге жол ашуға және қоғаммен белсенді араласуға мүмкіндік береді.
- Подробности
- Автор: SuperAdmin
Білім күніне орай Ақсу тарихи-өлкетану музейінде күнделікті өмірде қолданатын таныс заттарға өзгеше көзқараспен қарауға мүмкіндік беретін «Әлемді өзгерткен өнертабыстар» атты танымдық көрме ашылды. Көрмеден әр дәуірге тиесілі заттарды көріп, адам ойының, жайлылыққа ұмтылыстың және жаңалық ашуға деген талпыныстың күнделікті өмірімізді қалай өзгерткенін байқауға болады. Бұл көрме бізге әрбір ұлы жаңалықтың бір кездері қызығушылықтан, қойылған сұрақтан және жаңа нәрсені білуге деген ұмтылыстан басталғанын еске салсын. Ал Білім күні — өзіңізді қайтадан зерттеуші ретінде сезініп, жаңа нәрсе ашуға тамаша мүмкіндік!
- Подробности
- Автор: SuperAdmin
Музейде Семей ядролық полигонның жабылуының 35 жылдығына арналған көрменің ашылуы өтті.
Іс-шараға «Невада-Семей» ХАҚ ПФ төрағасы З. Д. Багненко, Павленко Ю.Ф., Мусин Р.К., Даржуманова У.М., ақын Ғабит Сапаров, Павлодар облысының ТЖД қызметкерлері қатысты. Кездесу тарихи жадыны сақтау және ядролық сынақтардың салдарын түсіну үшін маңызды алаңға айналды. Қатысушылар ондаған жылдар бойы адамдардың, отбасылардың және бүкіл ұрпақтың тағдырына әсер еткен оқиғалар туралы, сондай-ақ полигонды жабу үшін қоғамдық қозғалыстың маңызы туралы айтты. Осы тарих бетіне қатысты құжаттық дәлелдерге, мұражай материалдарына және адамдардың әңгімелеріне ерекше назар аударылды. Осындай айғақтарды сақтау арқылы біз жас ұрпаққа өткен туралы шындықты және бейбітшіліктің, қауіпсіздіктің және болашақ үшін жауапкершіліктің маңыздылығын жеткіземіз. Семей полигоны туралы естелік тек тарих емес. Бұл адам өмірінің бағасы мен Әлемді қорғау қажеттілігін еске салады. Көрме 7 қыркүйекке дейін жұмыс істейді.
- Подробности
- Автор: SuperAdmin
Павлодар қаласы күніне орай Г.Н. Потанин атындағы Павлодар облыстық тарихи-өлкетану музейі «Павлодар – біз сүйетін қала» атты көрменің салтанатты ашылуы өтті. Экспозицияда қаламыздың тарихы мен бүгінгі тыныс-тіршілігі тоғыстырды. Келушілер Павлодар қаласының қалыптасу тарихын, өңірдің көрнекті тұлғалары мен жетістіктерін баяндайтын музей жәдігерлерімен танысты. Көрменің ерекше бөлігін павлодарлық тұрғындар түсірген фотосуреттер құрады. Онда қаламыздың көркем келбеті, ерекше атмосферасы және тұрғындардың сүйікті орындары бейнеленген. Көрме бір ай бойы жұмыс істейді. Кіру тегін.
- Подробности
- Автор: SuperAdmin
Г.Н. Потанин атындағы Павлодар облыстық тарихи-өлкетану музейінде ұлы ақын, ойшыл әрі ағартушы Абай Құнанбайұлының өмірі мен шығармашылығына арналған көрменің ашылуы өтті. Көрме барысында келушілер Абайдың өмір жолы мен әдеби мұрасымен танысып, музей қорындағы кітаптар, фотоматериалдар және этнографиялық жәдігерлерді тамашалады. Сонымен қатар Абай мен Нифонт Иванович Долгополовтың кездесуі негізінде театрландырылған көрініс көрсетіліп, Абай әндері орындалды. Көрменің мақсаты – Абай мұрасын насихаттау, ұлттық рухани құндылықтарды дәріптеу және ұлы ойшылдың тағылымын кейінгі ұрпаққа жеткізу.
