- Подробности
- Автор: Павлодарский областной историко-краеведческий музейим. Г.Н.Потанина
Халықаралық денсаулық күніне орай "Шынықсаң - шымыр боласың" тақырыптық дәріс өткізілді. Дәрістің басты мақсаты оқушыларға денсаулықтың қымбаттылығын түсіндіру және денені шыңдауда, шымыр да шапшаң, ұқыпты да жинақы, болуға, дұрыс тамақтануға шақыру. Дәріске Абай атындағы жалпы орта білім беру мектебінің 4 сынып оқушылары қатысты.
- Подробности
- Автор: Павлодарский областной историко-краеведческий музейим. Г.Н.Потанина
Жыл сайын бүкіл әлемде сәуірдің бірінші күні экология мерекесі бойынша – Халықаралық құстар күні атап өтілді. Бүгін музейімізде ақпараттық технологиялар колледжінің студенттерімен осы күнге байланысты мерекенің тарихы, құстардың пайдасы, олардың табиғаттағы және адам өміріндегі рөлі, көктемде Павлодар облысына қандай құстар ұшатыны және бізде жыл бойы өмір сүретіні туралы мағұлматтар алды. Құстардың туған жерлеріне көктемгі қоныс аударуы туралы деректі фильм де көрсетілді.
- Подробности
- Автор: Павлодарский областной историко-краеведческий музейим. Г.Н.Потанина
Д.П. Багаев музей-үйінде медицина ғылымдарының кандидаты, жоғары санатты анестезиолог-реаниматолог дәрігері, Мәскеу қ. Л.А. Ворохобова атындағы №67 қалалық клиникалық аурухананың неонаталдық реанимациялық қызметінің басшысы Алексей Мостовойдың "Маленькие шаги в большую жизнь" атты Халықаралық фотокөрмесі ашылды. Алексей Валерьевич 1989 жылға дейін Павлодарда тұрып, А.В. Пархоменконың фотостудиясына қатысты. Іс-шарада мәскеулік дәрігердің павлодарлық әріптестері сөз сөйледі: перинаталдық орталық бас дәрігерінің орынбасары Капанова А.Г., Сейтказинова Г.К., медициналық колледж директорының орынбасары. Алғашқы фото мұғалімі А.В. Пархоменко естеліктерімен бөлісті.
- Подробности
- Автор: Павлодарский областной историко-краеведческий музейим. Г.Н.Потанина
Екібастұз тарихи – өлкетану музейімен Екібастұз кен орнын игерудің басталуының 70 жылдығын мерекелеу шеңберінде өз ісіне адал қызмет еткен «Богатырь» кенішінің бас механигі, ғылым және техника саласында КСРО Мемлекеттік сыйлығының лауреаты Серікбай Әбжалиұлы Шешембековтың 85 жылдығына «Өнертапқыш Серікбай Шешембеков» атты еске алу кеші ұйымдастырылды. С. Шешембеков «Богатырь» кенішінде сынама іріктеу машинасын құру мен енгізудің бастамашысы болды. Ол жеті рационализаторлық ұсыныстың авторы, оның үш баспа жұмысы жарық көрді. 1978 жылы роторлы техниканы пайдалана отырып, Екібастұз бассейнін жоғары тиімді дамытқаны және күрделі құрылымды қабаттардан үлкен көлемде көмір өндіргені үшін Серікбай Әбжалиұлы Шешембеков авторлардың шығармашылық ұжымы қатарында ғылым мен техника саласындағы КСРО Мемлекеттік сыйлығына ие болды. Есімді ұлықтау, өнегелі өмір және еңбек жолын насихаттау, ұрпаққа үлгі ету мақсатында өткен кеште Екібастұз қаласының құрметті азаматы С.Ж.Рамазанов, кеншілер өнеркәсібінің ардагері, «Богатырь» кенішінің экскаватор машинисі С.С.Садыков, мемлекеттік қызмет ардагері Б.К.Куспеков сөз сөйлеп, ғибратқа толы естеліктерімен бөлісті. Кеште «Славяночка» вокалды тобының орындауында «Екібастұз», «Кеншілер» туралы әндер шырқалды. Шараға еңбек ардагерлері, Қ.Пішенбаев атындағы тау-кен колледжі мен политехникалық колледж студенттері қатысты.
- Подробности
- Автор: Павлодарский областной историко-краеведческий музейим. Г.Н.Потанина
Екібастұз тарихи – өлкетану музейінде 18 наурыз күні көктемнің басталуы мен ұлттық киімнің сұлулығын «Тақия сыйладың сен арнап маған» тақия fest фестивалінде атап өтті. Ұлттық тігін өнерінің шеберлері өз туындыларымен бөліссе, «Қамажай» фольклорлық-этнографиялық ансамблінің мүшелері мерекеге қайталанбас дем сыйлады. Ісмер Жұмашева Меруерттің шеберлік сабағы көрермен үшін ерекше қызықты болды. Осы шараға қатысқандардың барлығына алғысымызды білдіреміз! Салт-дәстүрімізді сақтап, құрметтеп, тәжірибе алмасып, бір-бірімізді жаңа жетістіктерге шабыттандырайық.
- Подробности
- Автор: Павлодарский областной историко-краеведческий музейим. Г.Н.Потанина
Бүгін Жаңару күні тарихи-өлкетану музейінде "Наурыз-жанның әні" фольклор сабағы өтті. Бұл қазақ мәдениетінің қалыптасуыменен жаңару мерекесі болды, онда әрбір қатысушы жасына қарамастан ұлттық мереке атмосферасына еніп, қазақтың салт-дәстүрлерімен танысты. Құс салып, саятшылықпен айналысу туралы да мағұлматтар берілді. Тұсаукесер барысында балалар көшпенділердің дәстүрлі тұрғын үйі туралы біле отырып, нағыз киіз үйдің ішкі безендірілуіне таңданыспен және қызығушылықпен қарады. Бұл кешке шынайылық пен тартымдылық атмосферасын әкелді. Балалар Қазақ ұлттық тағамдары мен қолданбалы өнерді зерттеуге қуана қатысты.
- Подробности
- Автор: Павлодарский областной историко-краеведческий музейим. Г.Н.Потанина
Наурыз-астрономиялық күнтізбесі бойынша көктемнің келу мерекесі. Бұл мың жылдан астам уақыт бойы тойланып келе жатқан өте әдемі мереке. Бұл өмірдің циклдік сипатын, жаңа жылдың басталуын білдіреді. Наурыз мейрамына орай музейде Ы.Алтынсарин атындағы мектептің 5 б сыныбының оқушыларына «Армысың - Әз Наурыз!» атты танымдық сағаты өткізілді. Айналада салтанатты, көтеріңкі көңіл-күй орнады. Қонақттар ұлттық киімде келіп кешіміздің сәнін келтірді. Шара барысында көрермендерге Наурыз мерекесінің шығу тарихы туралы мәліметтер беріліп, слайд, бейне баян көрсетілді. Оқушылармен қазақтың «Асық ату», «Қол күрес» ұлттық ойын түрлері ойнатылды. Наурыз мерекесі туралы көптеген өлеңдер мен әндер айтылып, қыздар домбырада «Наркезкен», «Шаттық» күйлерін нақшына келтіре ойнады. Кеш соңында қонақтар мерекеге арнайы дайындалған дастарханнан дәм татты.
- Подробности
- Автор: Павлодарский областной историко-краеведческий музейим. Г.Н.Потанина
