- Подробности
- Автор: Павлодарский областной историко-краеведческий музейим. Г.Н.Потанина
Адамның алғашқы ғарышқа ұшуы ХХ ғасырдың басты оқиғасы болды. 1961 жылы 12 сәуір күні Ю.А. Гагарин ғарышқа бірінші болып ұшып, адамзатқа ғаламның шалқар кеңістігін ашты. Бұл ұшу өзінің ұзақтығына қарамастан, ең алғашқы болды және адамның ғарышта өмір сүріп, жұмыс істей алатынын дәлелдеді. Ғарышкер деген жаңа мамандық пайда болды. Елімізде жыл сайын 12 сәуір Ғарышкерлер күнін атап өтеді. Ақсу тарихи-өлкетану музейде 10-15 сәуір аралығында «Ғарыш әлеміне саяхат» атты қолданбалы өнер көрмесі өтті. Көрмеге балалардың өнер туындылары қойылып, көрермендер назарына ұсынылды.
- Подробности
- Автор: Павлодарский областной историко-краеведческий музейим. Г.Н.Потанина
12 сәуір Ғалым, академик Қ. И. Сәтбаевтың 125 жылдығына орай Екібастұз тарихи-өлкетану музейімен №9 мектептің 3 және 5 сынып оқушыларына «Қазақ КСР Ғылым Академиясының тұңғыш Президенті» атты геология сағаты өткізілді. Іс-шара барысында Қ. Сәтбаевтың Қазақстан ғылымының дамуындағы рөлі, ғалымның табиғи байлықтарды зерттеуге қосқан үлесі, оның ашқан жаңалықтары мен еңбегі туралы айтылды. Сондай-ақ, оқушылардың назарына көрме бойынша шолу жасалды. Онда Қ.Сәтбаевтың таңдаулы еңбектерінің жинағы, музей қорынан геологиялық жинағы ұсынылды.
- Подробности
- Автор: Павлодарский областной историко-краеведческий музейим. Г.Н.Потанина
5 сәуір Екібастұз тарихи – өлкетану музейінде тәжік-ауған шекарасындағы шайқасқа қатысушылармен «Ерлікке тағзым» атты кездесу өткізілді. Кездесу жауынгерлерді таныстырудан басталды - олар сержант Курмангалиев Арман Амангельдиевич, қатардағы жауынгерлер Ахметов Ерлан Амангельдинович, Сабиров Альберт Ядгарович, Бижанов Куаныш Оразтаевич. Шараға қатысқан №33 мектептің 5-6 сынып оқушыларына Ауғанстандағы соғыстан кейінгі әрекеттердің тарихы, дәлірек айтсақ, көршілес республикалардың шекарасын есірткі тасымалы мен Ауғанстаннан көршілес Орталық Азия мемлекеттерінің аумағына басып кіруге әрекеттенген қарулы топтардан қорғау тарихы жайлы баяндалды. Шекара заставасының ардагерлері қызметтің ауыртпалығын айтып, балалармен сол кездегі әскери жағдайды, тәжік-ауған шекарасында қалай қызмет еткендерін әңгімеледі. Жиын соңында Мамандандырылған күзет қызметі басқармасы 2 полиция батальонның аға сержанты Еңсебаев Жаңбырбай Борашұлының орындауында «Алға қазақ жігіттері» әні шырқалды.
- Подробности
- Автор: Павлодарский областной историко-краеведческий музейим. Г.Н.Потанина
Халықаралық денсаулық күніне орай "Шынықсаң - шымыр боласың" тақырыптық дәріс өткізілді. Дәрістің басты мақсаты оқушыларға денсаулықтың қымбаттылығын түсіндіру және денені шыңдауда, шымыр да шапшаң, ұқыпты да жинақы, болуға, дұрыс тамақтануға шақыру. Дәріске Абай атындағы жалпы орта білім беру мектебінің 4 сынып оқушылары қатысты.
- Подробности
- Автор: Павлодарский областной историко-краеведческий музейим. Г.Н.Потанина
Жыл сайын бүкіл әлемде сәуірдің бірінші күні экология мерекесі бойынша – Халықаралық құстар күні атап өтілді. Бүгін музейімізде ақпараттық технологиялар колледжінің студенттерімен осы күнге байланысты мерекенің тарихы, құстардың пайдасы, олардың табиғаттағы және адам өміріндегі рөлі, көктемде Павлодар облысына қандай құстар ұшатыны және бізде жыл бойы өмір сүретіні туралы мағұлматтар алды. Құстардың туған жерлеріне көктемгі қоныс аударуы туралы деректі фильм де көрсетілді.
- Подробности
- Автор: Павлодарский областной историко-краеведческий музейим. Г.Н.Потанина
Д.П. Багаев музей-үйінде медицина ғылымдарының кандидаты, жоғары санатты анестезиолог-реаниматолог дәрігері, Мәскеу қ. Л.А. Ворохобова атындағы №67 қалалық клиникалық аурухананың неонаталдық реанимациялық қызметінің басшысы Алексей Мостовойдың "Маленькие шаги в большую жизнь" атты Халықаралық фотокөрмесі ашылды. Алексей Валерьевич 1989 жылға дейін Павлодарда тұрып, А.В. Пархоменконың фотостудиясына қатысты. Іс-шарада мәскеулік дәрігердің павлодарлық әріптестері сөз сөйледі: перинаталдық орталық бас дәрігерінің орынбасары Капанова А.Г., Сейтказинова Г.К., медициналық колледж директорының орынбасары. Алғашқы фото мұғалімі А.В. Пархоменко естеліктерімен бөлісті.
- Подробности
- Автор: Павлодарский областной историко-краеведческий музейим. Г.Н.Потанина
Екібастұз тарихи – өлкетану музейімен Екібастұз кен орнын игерудің басталуының 70 жылдығын мерекелеу шеңберінде өз ісіне адал қызмет еткен «Богатырь» кенішінің бас механигі, ғылым және техника саласында КСРО Мемлекеттік сыйлығының лауреаты Серікбай Әбжалиұлы Шешембековтың 85 жылдығына «Өнертапқыш Серікбай Шешембеков» атты еске алу кеші ұйымдастырылды. С. Шешембеков «Богатырь» кенішінде сынама іріктеу машинасын құру мен енгізудің бастамашысы болды. Ол жеті рационализаторлық ұсыныстың авторы, оның үш баспа жұмысы жарық көрді. 1978 жылы роторлы техниканы пайдалана отырып, Екібастұз бассейнін жоғары тиімді дамытқаны және күрделі құрылымды қабаттардан үлкен көлемде көмір өндіргені үшін Серікбай Әбжалиұлы Шешембеков авторлардың шығармашылық ұжымы қатарында ғылым мен техника саласындағы КСРО Мемлекеттік сыйлығына ие болды. Есімді ұлықтау, өнегелі өмір және еңбек жолын насихаттау, ұрпаққа үлгі ету мақсатында өткен кеште Екібастұз қаласының құрметті азаматы С.Ж.Рамазанов, кеншілер өнеркәсібінің ардагері, «Богатырь» кенішінің экскаватор машинисі С.С.Садыков, мемлекеттік қызмет ардагері Б.К.Куспеков сөз сөйлеп, ғибратқа толы естеліктерімен бөлісті. Кеште «Славяночка» вокалды тобының орындауында «Екібастұз», «Кеншілер» туралы әндер шырқалды. Шараға еңбек ардагерлері, Қ.Пішенбаев атындағы тау-кен колледжі мен политехникалық колледж студенттері қатысты.
- Подробности
- Автор: Павлодарский областной историко-краеведческий музейим. Г.Н.Потанина
Екібастұз тарихи – өлкетану музейінде 18 наурыз күні көктемнің басталуы мен ұлттық киімнің сұлулығын «Тақия сыйладың сен арнап маған» тақия fest фестивалінде атап өтті. Ұлттық тігін өнерінің шеберлері өз туындыларымен бөліссе, «Қамажай» фольклорлық-этнографиялық ансамблінің мүшелері мерекеге қайталанбас дем сыйлады. Ісмер Жұмашева Меруерттің шеберлік сабағы көрермен үшін ерекше қызықты болды. Осы шараға қатысқандардың барлығына алғысымызды білдіреміз! Салт-дәстүрімізді сақтап, құрметтеп, тәжірибе алмасып, бір-бірімізді жаңа жетістіктерге шабыттандырайық.