«Ауғанның отты жалыны» атты тақырып аясында 9 сынып оқушыларымен Ауған соғысының ардагерлерімен сұқбат өтті. Бұл кездесу оқушыларға тарихи маңызды оқиға туралы түсінік қалыптастыруға мүмкіндік берді, сондай-ақ, жас ұрпаққа батырлық, ерлік және отан алдындағы міндетті сезіну сезімін ұялатты. Кездесу барысында ардагерлер өздерінің жеке тәжірибелерімен бөлісіп, Ауғанстандағы қиыншылықтар мен ауыр сәттерді еске алды. Олар соғыстың тек әскери қақтығыстар ғана емес, сонымен қатар адамгершілік пен достықтың маңызын көрсете отырып, жастарды өмірдегі қиындықтар мен сынақтарға төзімді болуға шақырды. Соғыс жылдарындағы ерлік пен батырлықты есте сақтап, бүгінгі бейбіт күн үшін алғыс білдіру — әр азаматтың міндеті. Бұл кездесу, сондай-ақ, жастардың тарихты зерделеуге деген қызығушылығын арттыруға және отан сүйгіштікті тәрбиелеуге үлкен үлес қосты.