Тарихи-өлкетану музейінде «Қобыз сарыны»-атты қазақтың ұлттық аспабы қобыз туралы іс-шара өтті. Іс-шаранын мақсаты – қазақ халқының дәстүрлі музыкалық мәдениетін, ұлттық өнерін зерттеу, қобыздың тарихи маңызын анықтап, оның қазіргі заман мәдениетінде сақталуы мен дамуына ықпал ету. Қобыздың өзіндік қасиеттерін зерттеу, оның дыбысталу ерекшеліктерін көрсету, сонымен қатар, бұл музыкалық аспаптың қазіргі заманға сай өркениетте алатын орнын анықтап қолданылу аясын кеңінен қамтамасыз ету. Іс-шараға қатысушыларға музей қорынан алынған қобыз түрлері көрсетіліп, арнайы көрме ұйымдастырылды. Олар қобыздардың әр түрлерімен танысып, оның тарихын, құрылымын зерттеп,рухани құндылық ретінде танып білді.