Екібастұз тарихи – өлкетану музейінде қазақтың талантты жазушысы, қазақ жазушылары ішінде ең көп роман жазған қаламгер Ілияс Есенберлиннің 110 жылдығына «Халқының тарихи санасын оятқан жазушы» тарихи сабақ ұйымдастырылды. Қазақстан Республикасы мемлекеттік сыйлығының лауреаты, қазақ әдебиетінің тарихында бүгінге дейін ең көп роман жазған жазушы Ілияс Есенберлиннің қаламынан туған тарихи романдары тың тақырыпта жазылған, қазақ әдебиетінде оған дейін мүлде көтерілмеген мәселелерді қозғаған, соны серпін әкелген, оқырман сүйіспеншілігіне бөленген жазушы. Қазақ әдебиетінің тарихында оқшау орны бар тұлғаның өмірбаяны, еңбектері, тарихи қызметі тарихи сабақта баяндалды. №3 кітапхана-коммуникациялар орталығының кітапханашысы Назым Акказыевна «Рухы биік нар тұлға» атты кітап көрмесін ұйымдастырды. №12 мектептің 7,8 сынып оқушыларымен сұрақ-жауап, кино викторина ойындары өткізілді.