«Ertis» музейде этношебер Гуляим Мәжитқызы Акумбаеваның қатысуымен «Үкілі тақия, киелі кимешек» атты ерекше іс-шара ұйымдастырылды. «Ұлттық бас киімдер ғұмырнамасы» коллекциясының авторы, «Қазақ аналары – Дәстүрге жол» РҚБ Павлодар облыстық филиалының қолөнер шеберлерінің жетекшісі, сондай-ақ облыстық және республикалық байқаулардың жүлдегері. Іс-шара аясында ұлттық бас киімдердің дефилесі көрсетіліп, этнодизайнер күндік орау мен шылауыш тартудың құпияларымен бөлісті. Сонымен қатар, кимешек бөліктерінің қасиеті мен олардың тарихи мән-мағынасы туралы терең мағлұмат берді. Бұл кездесу ұрпақтан-ұрпаққа жалғасып келе жатқан салт-дәстүрімізді дәріптеуге, қазақ әйелдерінің дара болмысын танытуға арналған тамаша мүмкіндік болды.