Екібастұз тарихи – өлкетану музейімен энергетиктер күніне орай қалалық Ардагерлер кеңесінде №7 мектеп-гимназиясының 10-сынып оқушыларымен «Энергиямен дос болу» кездесуі ұйымдастырылды. Оқушылар алдында энергетика саласының еңбек сіңірген қызметкерлері: Виктор Васильевич Семёнов, Гульфия Ибрагимовна Ахметова және Сабриден Сейтканович Сейтканов сөз сөйледі. Ардагерлер өздерінің еңбек жолдары туралы естеліктерімен бөлісіп, жастардың болашақта энергетик мамандығын таңдауға кеңес беріп, ерекше үміт күтетіндерін жеткізді. Іс-шараның көркемдік бөлігін «Сударыни-Барыни» ансамблі өздерінің жарқын және әсерлі нөмірлерімен әрледі.