5 қыркүйекте Д.П. Бағаевтың туғанына 140-жыл толуына орай «Здесь твой музей и здесь твой дух кружится» атты еске алу кеші өтті. Шара әйгілі фотографтың бюстіне гүл шоқтарын қоюдан басталып, кейін шақырылған қонақтар еске алу кешіне павильонда жалғастырды. Біздің еске алу кешіміз ерекше форматта өтті. Шай үстінде музей қонақтары белгілі фотограф, өлкетанушы, Г.Н. Потанин атындағы облыстық тарихи-өлкетану музейінің негізін қалаушы және тұңғыш директорының өмірі мен шығармашылығына қатысты деректер мен оқиғаларды еске алды. Суретші Виктор Федорович Поликарпов ең құнды естеліктерімен бөлісті, ол жас кезінде фотомастермен кездескен екен. Беспалова Г.Я. өзінің бірегей ретро костюмдер топтамасынан көйлек пен жидені біздің музейге сыйға тартты.