Әскери Даңқ музейінде мектеп жанындағы лагерьлердің балаларына арналған «Павлодарлықтар Ұлы Отан соғысы даласында» викторинасы өтті. Шара барысында экскурсия ұйымдастырылып, одан кейін Ұлы Отан соғысына қатысқан жерлестеріміздің ерліктері, биылғы жылы аталып өтілетін мерейтойлар және осы тақырып бойынша басқа да сұрақтар бойынша викторина өткізілді. Шара соңында ерекше көзге түскен бүлдіршіндер музейге тегін баруға билеттермен марапатталды.