Г.Н. Потанин атындағы Павлодар облыстық тарихи-өлкетану музейінде саяси қуғын-сүргін және ашаршылық құрбандарын еске алу күніне орай «Жердегі із» атты дөңгелек үстел өтті. Экономикалық колледж студенттері ХХ ғасырдың 30-50 жылдарындағы репрессияның ауыр кезеңі туралы ақпаратпен танысты. Дөңгелек үстелге қуғын-сүргінге ұшыраған дәрігер Бәзікен Өскенбаевтың немересі Бақыт Өскенбаева қатысты.
Павлодар облысында қуғын-сүргінге ұшырағандардың фотопортреттері мен деректі анықтамалары бар көрме ұйымдастырылып, «Алаш Орда»деректі фильмі көрсетілді.
