2024 жылдың 3 мамырында Әскери даңқ музейде Ауған соғысының ардагері Серік Кәрібайұлы Әшірбековтің көрмесінің ашылуы өтті. Іс-шараға қоғам қайраткерлері, тарихшылар, 55/12 әскери бөлімінің әскери қызметкерлері және туған-туыстары қатысты. Шара барысында Серік Кәрібайұлының интернационалдық борышын өтеген жауынгерлердің тағдырын өзгерткен сол сұрапыл соғыс және оның зардаптары туралы естеліктері тыңдалды. Ол жастар мен әскери қызметкерлерге қоштасу сөзімен сөйледі. Келесі кезекте Ауған соғысы туралы деректі фильм көрсетіліп, патриоттық әндер шырқалды.