Павлодар облыстық тарихи-өлкетану музейінде Халықаралық толеранттылық күніне орай №12 мектептің 7-сынып оқушыларына «Түсіністік пен келісім – бейбітшілік негізі» тақырыбында сенім сабағы өткізілді.
Іс-шара барысында оқушыларға толеранттылық ұғымы, оның маңызы, әр адамның жеке тұлға ретіндегі ерекшеліктерін, көзқарасы мен пікірін құрметтеу, сондай-ақ өзге халықтардың мәдениеті мен дәстүрлерін сыйлау туралы ақпарат берілді. Оқушылармен тақырыптық сұрақтар талқыланып, өмірлік жағдаяттар талданды.
Сабақ әр адамды құрметтеуге, өзара түсіністікке, сыйластық пен мейірімділікке тәрбиелеуге бағытталды.


