Шарбақты тарихи-өлкетану музейінде гимназиялық сыныптары бар №1 жалпы орта білім беретін мектеп оқушыларына арналған «Теңге тарихы: ұлттық валютаның қалыптасу жолы» тақырыбы бойынша іс-шара өтті.
Оқушылар теңгенің пайда болу тарихымен танысып, алғашқы банкноттар туралы мәлімет алды, QR-кодтар арқылы интерактивті тапсырмаларды орындады, сондай-ақ алғашқы шығарылымдағы түпнұсқа банкноттарды көріп, қолдарына ұстап көруге мүмкіндік алды.
Өлкетану сабағы оқушылардың өз елінің тарихы мен ұлттық валютаның маңызы туралы білімдерін кеңейтуге көмектесті.
Теңге — Қазақстан тәуелсіздігінің символы!


