Г.Н. Потанин атындағы Павлодар облыстық тарихи-өлкетану музейінде 8-сынып оқушыларына арналған «Өзбекәлі Жәнібеков және қазақ халқының этнографиялық қазынасы» атты этнографиялық дәріс өтті.
Дәріс барысында оқушылар көрнекті мемлекет және қоғам қайраткері, этнограф Өзбекәлі Жәнібековтің өмірі мен қызметі, қазақ халқының ұлттық мәдениетін, салт-дәстүрлері мен рухани мұрасын жаңғыртуға қосқан үлесі туралы мағлұмат алды. Сонымен қатар ұлттық құндылықтарды сақтау мен насихаттаудың маңыздылығы түсіндірілді.
Іс-шараға оқушылар белсенді қатысып, қойылған сұрақтарға жауап беріп, өз ойларымен бөлісті.
