«Таза Қазақстан» экологиялық акциясы «Таза Қазақстан» жалпыұлттық экологиялық акциясы аясында, ағымдағы жылдың 22 сәуірінде Г.Н. Потанин атындағы Павлодар облыстық тарихи-өлкетану музейі қызметкерлері Майқайың теміржол станциясы маңындағы Ақбидайық шатқалында орналасқан археологиялық ескерткіш (жартастағы суреттер) аумағында сенбілік жұмыстарын жүргізді: қоқыс жиналып, үй жануарларының кіруіне қарсы қоршаулар қалпына келтірілді, ақпараттық тақталар жаңартылды. Бұл ескерткіштер шамамен 5–7 мың жылдықты құрайды. Аталған акция Халықаралық ескерткіштер мен тарихи орындар күніне орай ұйымдастырылды.