«Қаз қонақ» облыстық конференциясы. Павлодар облыстық тарихи-өлкетану музейінде «Қаз қонақ» табиғи ескерткішіне республикалық маңызы бар мәртебе берілгеніне 55 жыл толуына орай облыстық конференция өтті. Іс-шара зерттеушілерді, өлкетанушыларды, ұстаздарды, сондай-ақ мектеп оқушыларын біріктірді. Кездесу аясында өңірдің табиғи мұрасын зерттеу және оны сақтау мәселелеріне арналған баяндамалар ұсынылды. Сонымен қатар, тақырыпқа қызығушылық танытып, зерттеушілік қызметке ұмтылыс білдірген жастардың қатысуын ерекше атап өткен жөн. Аталған табиғи ескерткіштің өңіріміздің байырғы өткенін зерделеуге мүмкіндік беретін бірегей нысан ретіндегі маңызына, сондай-ақ ғылыми және қоғамдық ортадағы өзектілігіне ерекше назар аударылды.