Ақсу қалалық тарихи-өлкетану музейінде «Өрт қауіпсіздігі: тарихы және қазіргі заман» атты танымдық іс-шара өтті. Іс-шарада өрт қауіпсіздігінің қалыптасу тарихынан бастап, қазіргі заманғы қорғаныс әдістеріне дейінгі мәліметтер қамтылып, соңынан шолу экскурсиясы ұйымдастырылды. Қатысушылар әр дәуірде өртпен қалай күрескенін, бұрын қандай құралдар қолданылғанын және өртке қарсы қызметтің уақыт өте келе қалай дамығанын білді. Сондай-ақ қазіргі заманғы өрт қауіпсіздігі ережелері мен төтенше жағдайлар кезінде атқарылатын әрекеттерге ерекше назар аударылды.