2025 жылғы 17 қыркүйекте әнші-композитор Майра Уәлиқызы Шамсутдинова атындағы ән-өнер шығармашылығы музейінде әйгілі жерлесіміз Майра Уәлиқызының туғанына 135 жыл толуына орай Жетісу өңірі, Талдықорған қаласындағы І.Жансүгіров атындағы әдеби музейдің «Ақынның өшпес мұрасы» атты көрмесінің ашылу салтанаты өтті.
Көрме аясында келушілер ақын І.Жансүгіровтің өмірі мен шығармашылығына қатысты сирек кездесетін түпнұсқа жәдігерлерімен, жеке заттарымен және қолжазбаларымен танысты. Бұл бастама жастарға тағылым беріп, ұлттық құндылықтарды насихаттауға бағытталған маңызды мәдени іс-шара болып табылады.