Бүгін «Ertis» музейінде «Әзірет Сұлтан» ұлттық тарихи - мәдени қорық-музейінің қорынан «Түркістан – мыңжылдықтар сәулесі» атты көрме ашылды. Экспозиция келушілерді ұлы ойшыл және ақын Қожа Ахмет Ясауи өмір сүрген және уағыздаған ежелгі Түркістанның рухани мұрасы мен мәдениетімен таныстырады. Оның ілімі бүкіл қазақ халқының рухани өмірі мен дәстүрлерінің дамуына зор әсер етті. Көрмеде аймақтың мыңжылдық тарихын бейнелейтін археологиялық артефактілерді, тұрмыстық заттарды, кітаптар мен қолжазбаларды көруге болады. Павлодарлықтар мен қала қонақтарын көрмемен танысуға және Түркістанның ұлы тарихының жаңа беттерін ашуға шақырамыз. Экспозиция 18 қазанға дейін ашық болады.