Г.Н. Потанин атындағы Павлодар облыстық тарихи-өлкетану музейінде Жеңіс күніне арналған «Ерліктер географиясы» атты тақырыптық кеш өтті. Іс-шара ерлік сабағы форматында ұйымдастырылып, оның барысында оқушылар мен қонақтар Ұлы Отан соғысына қатысқан павлодарлық жауынгерлердің ерлік жолымен танысты.
Кештің құрметті қонағы — «Қарулы Күштер ардагерлері» республикалық қоғамдық бірлестігінің облыстық филиалының төрағасы Жан Қайыркенұлы Қаратаев болды. Ол соғыс жылдарындағы жауынгерлік ерліктер, әскери батырлықтың мәні және тарихи жадыны сақтау маңыздылығы туралы өз естеліктерімен бөлісті. Қатысушылар сонымен қатар қазақстандықтардың Жеңіске қосқан үлесін айғақтайтын архивтік материалдар мен музей экспонаттарын тамашалады.
