Екібастұз тарихи-өлкетану музейімен «Youth Challenge» Қазақстан жастар одағымен бірлесе «Ұлыстың ұлы күні – Наурыз» білім беру бағдарламасы аясында «Ұлттық әдет-ғұрып, салт - дәстүрге үйрету» тренингі Екібастұз қаласының жастарына ұйымдастырылды. Шара барысында халық жанында сақталып жүрген «шашбау тағу», «сәукеле кигізу» сынды дәстүрлерін «Атамұра» мәдениет орталығының «Кәусар» әжелер ансамблі көрсетті. Сонымен қатар «Ұмытылған ұлттық тағамдар түрлерінен» көрме жасалып, көпшілік назарына ұлттық тағамдарды насихаттаушы Қ. Алпысбаева таныстырды. «Youth Challenge» Қазақстан жастар одағының директоры Е.А. Айдарғазин сөз сөйлеп қатысушыларды марапаттады.