Әйел әрқашан халықтың ар-ожданы, ізгіліктің, нәзіктіктің, дархан көңілдің көрінісі болып келді және болып қалмақ, бүгінгі мереке оларға деген шынайы құрмет белгісі. Ақсу тарихи-өлкетану музейде Халықаралық 8 наурыз әйелдер мерекесіне орай «Адамзаттың асылы – Ана деген» мерекелік сазды кеш өткізілді. Іс-шараға Ақсу қара метталургия колледж студенттері, Абай және Ы. Алтынсарин атындағы мектептің оқушылары, ұстаздар қауымы, музей қызметкерлері мен қала тұрғындары қатысты. Шара аясында қонақтарға сазды бағдарлама ұсынылды. Сондай-ақ қонақтар көрмеге қойылған жергілікті қолөнер шеберлерінің заттарын тамашалады. Кеш соңында нәзік жанды аруларға тәтті сыйлықтар тарту етілді.