Ақсу тарихи-өлкетану музейінде Алғыс айту күніне және Қазақстан халқы Ассамблеясының 30 жылдығына орай «Алғыс айту парызым» атты ұлттық мәдени орталықтармен кездесу өтті. Іс-шараға «Нұр ана әлемі» қоғамдық бірлестігі, славян этномәдени бірлестігі, «Крыницы» украин этномәдени бірлестігі, неміс этномәдени бірлестігі, С. Дөнентаев атындағы мәдениет сарайының «Достар» вокалдық ансамблі қатысты.
Алғыс айту күні – халқымыздың тарихында ерекше орын алатын, әр адамның жүрегінде үлкен орын қалдыратын күндердің бірі. Бұл күн тек мереке емес, сонымен қатар халқымыздың бірлігін, достығын, түсіністігін арттыратын маңызды күн.
