Шарбақты тарихи-өлкетану музейінде мәдениет бөлімімен бірлесіп "Бауыржан Момышұлы" атты дөңгелек үстел өткізілді. Ермек Хавай өмірбаяны, соғыс жылдарындағы ерлігі және шығармашылық жол туралы әңгімеледі. Абай Құнанбаев атындағы ЖОББМ оқушылары мен еңбек ардагерлері Кеңес Одағының Батыры, Қазақстанның Халық қаһарманы, жазушы Бауыржан Момышұлы туралы фильм көрді. Оқушылар өлең оқып, сұрақтарға жауап берді. Қатысқан еңбек ардагерлері Ұлы Отан соғысына қатысушыларды, халық жазушысының шығармаларын еске алды. Кездесу соңында Ханай Сымбат "Кеңес" күйін орындады.