Г.Н. Потанин атындағы Павлодар облыстық тарихи-өлкетану музейінде Қазақстан халқының тілдері күніне арналған «Қазақстан дауыстары» атты көрме өтті. Көрме қатысушылардың Қазақстанның тілдік және мәдени алуантүрлілігі туралы түсініктерін кеңейтіп, еліміздегі түрлі мәдениеттердің ерекшеліктерімен танысуға мүмкіндік берді. Сонымен қатар, көрме мәдени мұраны сақтау, оны кейінгі ұрпаққа жеткізу мен насихаттаудың маңыздылығын айқындады.