«Батыр рухы - болашаққа үлгі» дәрісі. Екібастұз тарихи-өлкетану музейінде Қажымұқан Мұңайтпасовтың 155 жылдығына орай №12 мектебінің 5-сынып оқушылары үшін «Батыр рухы - болашаққа үлгі» атты тақырыптық дәріс өткізілді.
Дәріс барысында оқушылар аңыз палуанның әлемдік аренадағы жарқын жеңістерімен ғана емес, оның бойындағы ерен патриоттық қасиеттерімен де танысты. Қажымұқанның туған жерге деген шексіз сүйіспеншілігі мен ұлттық намысты ту еткен өнегелі өмір жолы өсіп келе жатқан жас ұрпаққа нағыз жігер берді.
Шара соңында алпауыт күш иесі туралы алған білімдерін бекіту мақсатында қызықты танымдық ойын ұйымдастырылды. Оқушылар батыр тұлғасына қатысты сұрақтарға жауап беріп, тарих қойнауына бойлады.
