"Отбасылық құндылықтар" балалар сурет көрмесі. Наурыз мейрамы онкүндігі аясында Әскери даңқ музейі Павлодар — ЮНЕСКО балалар көркемсурет мектебінің қатысуымен "Отбасылық құндылықтар" атты балалар сурет көрмесі ұйымдастырылды. Көркемсурет мектебінің оқушылары өз жұмыстарында біздің қоғамның отбасылық құндылықтарын көрсетті: үлкендерге құрмет, отбасындағы сүйіспеншілік пен өзара қолдау, ұлттық дәстүрлер, отбасылық мерекелер, туған жерге деген сүйіспеншілік. Көрмеде "Табиғаттағы демалыс", "Ана тілі", "Отбасылық серуен", "Ұлдың дүниеге келуі", "Алтын күз", "Әжемнің үйінде қонақта", "Туған жер", "Үлкен отбасы", "Сүйікті әженің туған күні", "Мереке" сияқты жұмыстар ұсынылған.