Қазанның 25-сі ерекше күні болды. «Болашаққа бағдар: рухани жаңғыру» бағдарламаны іске асыру шеңберінде, сонымен қатар «Туған елге тағзым» атты өлкетанулық-зерттеу экспедициясын өткізу мақсатында Талдықорған, Шымкент, Павлодар қалаларында орналасқан Назарбаев Зияткерлік мектебінің оқушылары мен оқытушылары арнайы сапармен Ақсу қаласына келді. Осы күні қонақтар Ақсу қаласы "Нұр Отан" партиясы филиалының конференцзалында бірінші орынбасары Г.Күлшариповамен кездесті. Ферроқорытпа зауытында, евроазияттық энергетикалық корпорациясында, қалалық кітапхана, балаларға арналған эко-техникалық орталығында және Ақсу тарихи-өлкетану музейінде қала тарихымен және киелі орындарымен танысты. Сонымен қатар, музейде қаланың Құрметті азаматы киномеханик Я.Коноваловпен кездесу өткізіп, қала туралы кинофильм көрсетілді. Жастар бастамаларын дамыту бөлімінің басшысы А.Рахимова және жастармен мемлекеттік рәміздер алаңында кездесіп, орталықтың жоспарларымен бөлісіп, сұхбаттасып, тәжірибемен алмасып керемет кеш өткізілді. Сапардың соңында қонақтарға арнайы сыйлықтар табыс етілді.