Екібастұз тарихи-өлкетану музейінде Алғыс айту күніне орай «Еріктілердің жұмыс күндері» Легион-14 іздестіру-гуманитарлық көмек тобының еріктілерімен кездесу өтті. Бұл – Велижанская Оксана Геннадьевна, Кайсина Диана Бакытжановна, Похилюк Ольга Владимировна, Абабкина Надежда Николаевна.
Қыздар іздестіру және гуманитарлық көмек көрсету қызметі туралы, оның бағыттары мен қала тұрғындарына, сондай-ақ басқа да адамдарға қандай көмек көрсетілетінін баяндап берді. Сонымен қатар, ерікті болу үшін не істеу керектігін түсіндірді.
«Қайнар» білім беру-демалыс кешенінің жас еріктілері өздерінің жұмыстағы жетістіктерімен бөлісті. Кездесуге «Жас өркен» жастар үйінің тәрбиеленушілері мен Павлодар облысы ІІБ 2-ші батальонының қызметкерлері де қатысып, еріктілермен бірлескен жұмыстары туралы баяндап, стратегиялық маңызды экономикалық нысандарды қорғау кезінде ұрлықтардың алдын алған қызметкерлерді атап өтті. Олар – полиция сержанты Қабиболла Айтжан Мақсатұлы мен полиция сержанты Теміржанова Жұлдыз Серікқызы.
