2022 жылдың 22 ақпанында «Ertis» музейінде «Ертіс өңірінің жазығы бойынша» атты көрменің тұсаукесеріне тарихшылар, археологтар, өлкетанушылар, музей қызметкерлері, оқушылар қатысты. «ПавГео» қоғамдық бірлестігі туған өлкенің тарихын зерттеуге және ұлттық салт-дәстүрлерді құрметтеуді тәрбиелеуге өз үлесін қосады. Көрмеде Павлодар география үйінің қорларынан сирек кітаптар, геологиялық, палеонтологиялық және этнографиялық коллекциялар, Г.Н. Потанин. атындағы музей қорынан, фотографтар Д.П. Багаевтың, А.В. Пархоменконың, В.В. Бугаевтың фотосуреттері ұсынылды.